كلمات قصيدة ياكلبي جذاب السهر مكتوبة
الرادود مسلم الوائلي كلمات الشاعر حمزه الحسناوي
حسينية ام الحسن (ع) العراق - البصرة - الفاو محرم الحرام :: 2021-1443 ~~~~~~~~~ قصيدة : ياكلبي جذاب السهر الرادود : مسلم الوائلي كلمات : حمزه الحسناوي ~~~~~~~~~ كتابة القصيدة : موقع صوت مكتوب تصوير : شاريو للانتاج الحسيني م . صوت : كرار الموالي مونتاج وتلوين : مصطفى العتابي
VIDEO
~~~~~
جنهم يعفوني وتتباوع اعيوني
بلكت يصيحوني والضعن سار
~~~~~
عالفركة وبعيد الدرب كوه الله حيلي وحيلكم
تانيتكم حد ماكمت مابيه حيل ابجيلكم
حسبالي نترافك سوه وليميت كل اجروحي
دورو الرسايل لو اجت تلكون بيهن روحي
هذه الهوه الجاي كل ساع اسئله
هم لاكتك ناس من عندك احله
لو يغفه دمعي باليل اكعده
خل تطلع الروح عندي انتم اغله
ما بيه عالفركه وبعازت الشبكه
ليليه محتركه واشتعل نار
~~~
جنهم يعفوني وتتباوع اعيوني
بلكت يصيحوني والضعن سار
~~~
ياكلبي جذاب السهر ماجاب غير احلامك
هم انعم الله اعله الحلم جي جابهم كدامك
المن بعد هاي الشمس تطلع هلي وعافوني
جان ابعلي الاكبر كبل يبدي الصبح بعيوني
ضلمه الصبح صار لاشافت العين
من جانو اوياي ذاك الصبح وين
لمتنه ونشوف ضحكات الزغار
ومصابح الخير من حلك الحسين
مافركوا بالي كل الضعن غالي
لومشي هنيالي وي الزغار
~~~
المستهل
~~~
شتسوي بيكم كربله يحسين اشوفك حاير
داير اعيونك عالعبي لاسامح الله اشصاير
كل ما اكلك كربله تشبك خواتي شبيهن
محد مسولف عالعطش وتكلي ماي إنطيهن
حاجوني شيصير بيكم ترجيت
عالهودج هواي باوعتو عالبيت
صحت اخر اوداع بس ماطلع صوت
من سدو الباب بالجلمة غصيت
خل تخلص ايامي ذوله اهلي كدامي
من عثرت اجدامي بيكم اشصار
~~~
المستهل
~~~
يعني شيفيد الدمع مادامهم عافونه
من كتله ترجع شو مشوا اودنك اوغطه عيونه
مو مالت انعاف اوعلي كلبي اعله كد اجروحه
ثاري اليموت امن البعد مو اله تطلع روحه
وي دمعي بالليل شديت الحزام
من رحتو والبيت ماينحمل كام
اخذوني لوطاح مذبوح الحسين
وي عمتي انشيل من جسمه السهام
اخذونه اتجيله من ينهدم حيله
نتكابل انشيله اويمه نندار
~~~
المستهل
~~~
انه ادري شيصير وعلي هذا السفر اذاني
بزاني كلبي من شفت واحد يودع الثاني
وصيت عمي اعله الحرم بس لاتمرهن خوفه
بس كتله خوفك عالعلم دنك اوكض اجفوفه
هذا الضعن راح وانه دري مكتوب
مو نفس الوجوه من يرجع النوب
ادعولي بالموت كل ماتصلون
جاليش الفراك من عمري محسوب
هذا البعد موتي والفركة تابوتي
ماينسمع صوتي هاي الاخبار
~~~
جنهم يعفوني وتتباوع اعيوني
بلكت يصيحوني والضعن سار
~~~
كلمات الكلبه ماملجوم مكتوبة
الرادود مسلم الوائلي كلمات الشاعر علي مالك الموسوي
VIDEO
~~~~~~
لجمت منايه .. ومدفوعه ايه
والكلبه ما ملجوم .. لا ينطي رايه
~~~~~~
يا ماخاذنه الدمع لضلوعج ولونج
حبيتي حيدر علي ولازم يدفعونج
والمايعرف اليصدك ماتستحي عيونه
هوه انتي رب الصدك والكل يعرفونج
طفح كلبي بنحيبه و كسرت ضلوعج مصيبه
تعب خلكي اليسولف بيج وافراكج فجيعية
عمت عين العصرهه وطاح من عدهه بزرهه
وسف ياناس هيجي يصير بعيون الوديعه
هاي الاميره .. المتروسه غيره
ضل تون وتنوح .. حيرتهه حيره
~~~~~~
المستهل
~~~~~~
بعيوني فاض الحزن يازهرة سنيني
كل ما شفت باب الج ضلعج يبجيني
تخنكني روحي وتحن وتذكر ايامج
مو انتي عينج عمت انه عمت عيني
يكلشي بدنيتي ودربي يبعد امي وبعد كلبي
وكت خلاج تنعصرين بجفوف الردايه
يقران وجفه روحه يحيدر كبرت اجروحه
صدك مصحف علي الكرار كسروا منه ايه
والكوثر اشلون .. تنطك عالعيون
ما صارت ولاراح .. عد حيدر تهون
~~~~~~
المستهل
~~~~~~
بسم الله بسكج صحت كل شده باحلامي
كسروا ضلع بس وراج يموتلج ضامي
خلصت عمري بهضم من لجمو اجروحج
راح ارجع وادك علمنحر الضامي
بعد عدهم وره السطره عزيزج ينكطع نحره
تعب يراد لبنج خاف اموت من البواجي
يذبحونه ويسحكونه وقميص ابنج يشكونه
عكل لا ماتضل بالطف تره انترس خواجي
بيت الرساله .. لرب الجلاله
كلمن وكف علباب .. ما بيه عداله
~~~~~~
المستهل
~~~~~~
يالمهدي هسه الهضم وي كلبك شلونه
بيت الجبير الكلف بمك يحركونه
وانه ادري ضيمك نزف من دفعوا الهيبه
جا هو دوم اليحب دمعاته بعيونه
يغايب ثارك شكربه واذا حك امك الزهره
تجي وتاخذ بحيفك يا شبل فخر البريه
تهد ويلوح صمصامك وحيدر شاد حزامك
كبل يطلع الدافع باب شمعتنه الزجيه
وبثارك الناس .. ياخذه الحساس
وانت بطريجك جيب .. بيرغنه عباس
~~~~~~~
المستهل
~~~~~~~
الله يصبرك علي ويطيب اجروحك
ياروح حد العرش واصل دمع نوحك
حك انت فاكد عشك مامنه بالديره
وانه ادري وي النعش طلعت ركض روحك
شلت تابوتهه وجبته اعله صدرك كبل نزلته
متت بس الله حطلك روح جدام المصيبه
درت عينك وحاجيته وعزيزك زهرته انطيته
طحت ورويحتك ضلت يابو اليمه غريبه
الله يعينك تكضي حنينك
بس هذه امر مطلوب وتمشي دينك